/
/
“АЛБА ХААГЧ ТАНЫ ТӨЛӨӨ” АЯНЫ ХҮРЭЭНД...
Мэдээлэл, шуурхай удирдлагын төвөөс энэ оны 01 дүгээр улирлын алба хаагчдын “Сахилга, хариуцлагын зөвлөгөөн”-ийг зохион байгууллаа. Зөвлөгөөнөөр алба хаагч, ажилтныг гэмт хэрэг, зөрчилд холбогдох, өртөж хохирох, сахилга, ёс зүйн зөрчил гаргахаас урьдчилан сэргийлэх зорилгоор тус төвөөс хэрэгжүүлж байгаа ажил, арга хэмжээ, үр дүнг хэлэлцэж, цаашид хэрэгжүүлэх ажлын чиглэлийг алба хаагчдын саналаар тодорхойлсон.
Цагдаагийн ерөнхий газраас зохион байгуулж байгаа “Алба хаагч-таны төлөө” аяны хүрээнд шинэ, залуу алба хаагчдыг идэвхжүүлэх, албаны үнэ цэнэ, бахархал, итгэл, үнэмшлийг төрүүлэх зорилгоор “Ёс зүйтэй, хариуцлагатай алба хаагч” арга хэмжээг зохион байгуулж, тус төвд 10-аас дээш жил тасралтгүй ажилласан, ажиллах хугацаандаа сахилга, ёс зүйн зөрчил дутагдалд гаргаж байгаагүй тэргүүний 4 алба хаагчийг сонгон, тэднээр бие бүрэлдэхүүнд хандан ажлын туршлага, цагдаагийн алба хаагчийн ёс зүй, төлөвшил сэдвээр мэдээлэл хийлгэсэн. Дээрх тэргүүний алба хаагчдыг алдаршуулж, талархал, тус төвд ажиллаж байх үеийн түүх агуулсан гэрэл зургийн цомог гардуулан хүндэтгэл үзүүлсэн.
