/
/
“ТӨВИЙН ҮЙЛ АЖИЛЛАГААГ ТАНИЛЦУУЛЖ, СУРГАЛТ ЗОХИОН БАЙГУУЛЛАА”
Мэдээлэл, шуурхай удирдлагын төвийн алба хаагчдын дунд 2023 онд зохион байгуулах “Соён гэгээрүүлэх ажил”-ын төлөвлөгөөний 2.1. Соёл, гоо зүйг хүмүүжил, мэдлэгийн дээшлүүлэх ажлын хүрээнд Ерөнхий боловсролын сургуулийн ахлах ангийн сурагчид, их дээд сургуулийн төгсөх курсийн оюутнуудад төвийн үйл ажиллагааг сурталчлах болон Дотоод хэргийн их сургууль, Цагдаагийн ерөнхий газартай байгуулсан “Хамтран ажиллах санамж бичиг”-ийн 2 дугаар зүйлийн 2.1.1.5, 2.1.1.6-д заасныг үндэслэн “Цагдаа” мэргэжлийн сургалтад хамрагдаж буй 114-117 дугаар дамжааны нийт 112 сонсогчдын клиник сургалтын зохион байгуулах “Нийтийн хэв журам хамгаалах үйл ажиллагаа хичээлийн чиглэлээр хийгдэх клиник сургалтын удирдамж”-ын дагуу Дотоод хэргийн их сургуулийн 114-117 дугаар дамжааны нийт 110 сонсогчдыг 2023 оны 03 дугаар сарын 15, 16, 17-ны өдрүүдэд Мэдээлэл, шуурхай удирдлагын төвийн байранд хүлээн авч, “Мэдээлэл, шуурхай удирдлагын төвийн бүтэц, үйл ажиллагааны тухай ойлголт”, “Мэдээлэл, хүлээн авах дамжуулах”, “Гэмт хэргийн талаар мэдээлэх” сэдвээр болон тус төвийн чиг үүрэг, тусгай дугаарын утаснуудын ач холбогдол, цагдаагийн байгууллагын үнэ цэнийг ойлгуулах, мэргэжлээ сонгоход чиг баримжаа олгох чиглэлээр Шуурхай удирдлагын хэлтэс /102/-ийн дарга, цагдаагийн хурандаа Б.Хишигбаатар, Техник ашиглалтын хэлтсийн Систем ашиглалтын тасгийн дарга, цагдаагийн хошууч Б.Борбанди нар таниулга хийж сургалт зохион байгууллаа.
