ЦЭРГИЙН БАЙНГЫН ТЭТГЭВЭРТ ГАРЧ БАЙГАА АЛБА ХААГЧДАД ХҮНДЭТГЭЛ ҮЗҮҮЛЛЭЭ
Цэргийн байнгын тэтгэвэрт гарч байгаа алба хаагчдаа хүлээн авч, хүндэтгэл үзүүлэх арга хэмжээг зохион байгууллаа. Уг арга хэмжээнд Шуурхай удирдлагын хэлтэс /102/-ээс 3, Шуурхай удирдлагын хэлтэс /103/-ээс 4, нийт 7 алба хаагчийн ажил амьдралын гараагаа эхэлж байсан түүхэн замнал, ажлын туршлага, алдар гавъяаг алба хаагчдад танилцууллаа.
Албандаа залуу нас, халуун сэтгэлээ зориулан ажилласан бүсгүйчүүддээ Цагдаагийн ерөнхий газрын Сүлд чуулгын дуучин, цагдаагийн дэд ахлагч Э.Сувд-Эрдэнэ “Монголын тал нутаг” дуугаар ая дууны мэндчилгээ дэвшүүллээ.
Цагдаагийн байгууллагад олон жил үр бүтээлтэй ажиллаж, шинэ залуу алба хаагчдыг сурган дадлагажуулж, гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах их үйлсэд зүтгэн гавъяаны амралтад гарч байгаа алба хаагчдад “Талархал”-ын бичиг гардууллаа.