ЭМЯ-ны харьяа Нийгмийн эрүүл мэндийн төвтэй хамтран ажиллахаар боллоо
Тус төвийн Шуурхай удирдлагын хэлтэс /103/-ийн дарга, цагдаагийн хошууч Т.Бат-Идэр, Систем ашиглалтын тасгийн дарга, цагдаагийн ахмад Б.Борбанди, ахлах инженер, цагдаагийн ахмад Ц.Мөнхсүлд нар /2020.03.13/ Эрүүл мэндийн яамны харьяа Нийгмийн эрүүл мэндийн үндэсний төвийн удирдлагуудтай уулзаж, Монгол Улсад Коронавируст халдвар /Сovid-19/-ын анхны тохиолдол бүртгэгдсэнтэй холбогдуулан дээрх байгууллагад иргэдэд мэдээлэл, зөвлөгөө өгөх зорилгоор түр хугацаанд байгуулагдсан “Лавлах, мэдээллийн 119” дугаарын үйл ажиллагаатай танилцан, мэргэжил арга зүйн зөвлөгөө өглөө.
Уулзалтын дүнд тус 2 төвийг холбосон шилэн кабелийн сүлжээ үүсгэн коронавирустай холбоотой дуудлага, мэдээллийг шуурхай солилцох нөхцлийг бүрдүүлж, өнөөдрөөс /2020.03.14/ хамтран ажиллаж эхэллээ.