/
/
Сагсан бөмбөгийн нөхөрсөг уулзалт тэмцээн зохион байгууллаа.
Цагдаагийн ерөнхий газрын Мэдээлэл, шуурхай удирдлагын төв, Төмөр замын цагдаагийн газартай хамтран 2017 оны 04 дүгээр сарын 17-ны өдөр сагсан бөмбөгийн нөхөрсөг уулзалт тэмцээнийг зохион байгууллаа.
Тус тэмцээнд эрэгтэй тамирчид хурд хүч авхаалж самбаагаа сорин өрсөлдсөнөөс Мэдээлэл, шуурхай удирдлагын төвийн баг тамирчид шалгарч “шилжин явах” цом гардан авлаа.
Тэмцээний нээлт, хаалтын ажиллагаанд Төмөр зам дахь цагдаагийн газрын дарга, хурандаа Н.Батсайхан, Мэдээлэл, шуурхай удирдлагын төвийн дарга, цагдаагийн хурандаа Н.Амарзаяа нар оролцож тамирчдад баяр хүргэж, шагнал гардуулсан бөгөөд цаашид энэхүү тэмцээнийг жил бүр уламжлал болгон зохион байгуулахаар болсон байна.
