/
/
"Тусгай дугаар" нэгдсэн арга хэмжээний тухай
Тусгай дугаарын 101,102,103,105 утсуудад холбогдож тоглосон дуудлагыг бууруулах, мэдээлэл хүлээн авагчдын мэдлэг ур чадварыг дээшлүүлэх, телефон ярианы бичлэг сонсож дуудлага, мэдээллийн хаалт болон харилцаа, хандлагын зөрчил гаргаж байгаа эсэхэд хяналт тавих зорилгоор "Тусгай дугаар" нэгдсэн арга хэмжээг зохион байгуулж ажиллаа.
Тус арга хэмжээний хүрээнд Чингэлтэй дүүргийн прокурорын газар, нийслэлийн төвийн 6 дүүрэг дэх цагдаагийн 14 хэлтэс, үүрэн холбооны оператор компаниудтай хамтран яаралтай тусламжийн утсанд удаа дараа тоглож залган зохиомол ачаалал үүсгэсэн болох нь тогтоогдсон 100 иргэнд Монгол Улсын Захиргааны хариуцлагын тухай хуулийн дагуу нийт 647.000 төгрөгний торгуулын арга хэмжээ авсан байна.
