"Монгол Цагдаа 95" сагсан бөмбөгийн тэмцээн амжилттай зохион байгуулагдлаа
Цагдаагийн ерөнхий газрын “Хүч” спорт хорооны 70 жилийн ойд зориулсан Мэдээлэл Шуурхай Удирдлагын нэрэмжит "Монгол Цагдаа 95" сагсан бөмбөгийн тэмцээн 02-р сарын 22, 23-ны өдрүүдэд Буянт Ухаа спортын ордонд зохион байгуулагдлаа. Тэмцээнд эрэгтэй 46, эмэгтэй 26 баг тамирчид оролцсоноос эрэгтэйчүүдийн төрөлд УБХЦГ-ЗЦ-ын баг тэргүүлж, 2-р байранд Завхан аймгийн цагдаагийн газар, 3-р байранд Мөрдөн байцаах газар, эмэгтэйчүүдийн төрөлд Сонгино хайрхан дүүргийн цагдаагийн 2-р хэлтэс тэргүүлж, 2-р байранд Хан-Уул цагдаагийн 2-р хэлтэс баг , 3-р байранд Хамгаалалтын 1-р газар тус тус эзэлж медаль, цом, мөнгөн шагнал хүртсэн байна. Багийн нийлбэр дүнгээр Хамгаалалтын 1-р газар тэргүүн байранд орж шилжин явах цомыг хүлээн авлаа.